________________ ।। श्रीमद्धनुमद्भीममध्वान्तर्गतरामकृष्णवेदव्यासात्मकलक्ष्मीहयग्रीवाय नमः ॥ श्रीमज्जयतीर्थयतिकृता श्रीमन्न्यायसुधा ॥ श्रीगुरुभ्यो नमः ॥ हरिः ॐ ॥ T ॥ अथ प्रथमाध्यायस्य द्वितीयः पादः ॥ ॥ अथ सर्वगतत्वाधिकरणम् ॥ ॥ १-२-१॥ ब्र०सू० - ॥ ॐ सर्वत्रप्रसिद्धोपदेशात् ॐ ॥ ॥ अथ सप्रयोजनं द्वितीयपादप्रतिपाद्यार्थप्रदर्शनम् ॥ ॥ तत्रादौ उत्तरपादप्रतिपाद्यार्थभेदः ॥ १ सु० - द्वितीयपादस्य पूर्वोत्तरपादभेदस्य स्वस्मिन्नेकवाक्यतायाश्च सिद्धये प्रति- पाद्यमर्थं दर्शयति लिङ्गात्मकानामिति । अनु० – लिङ्गात्मकानां शब्दानां लिङ्गं धर्मः स आत्मेवात्मा प्रवृत्तिनिमित्तं येषां ते लिङ्गात्मकाः । स्वरूपार्थो वा आत्मशब्दः, निमित्तनिमित्तिनोरभेदोपचारात् । सकलवेदगतानामन्यत्रप्रसिद्धानामिति शेषः । परि०— द्वितीयपादस्येति । प्रतिपाद्यमर्थं दर्शयतीत्यन्वयः । तस्य फलोक्तिः पूर्वेत्यादि । पूर्वपादोत्तरपादोक्तार्थादर्थभेदोक्त्या पादभेदस्यैकरूपार्थप्रतिपादकत्वोत्त्या स्वस्मिन् द्वितीयपादे एकवाक्य- तायाश्च सिद्धेः। अत्र नियामकस्य 'अर्थैकत्वादेकं वाक्यमित्यादेरन्तरधिकरण एवोक्तेरिति भावः ।